Shurvat:

Yu toh aayi toofan si badhaye,
Aayi sunami si mushkile,
Todane ko mere sapno ka ghar,
Par na mai haari, na tooti,
Na mai kismat se roothi,
Hosale se mai aage badi,
Aur mere sapno ne udaan bhari..!!!
Na mai royi, na bebas hui,
Na mene chodi neki-sacchai,
Ab bas aage badna hai,
Na haarna hai, na rukna hai,
Kyoki jab mene himmat kari,
Mere sapno ne udaan bhari..!!!

Shreya Dubey…

Advertisements

Bebas😑

Waqt ne kitna bebas kar diya hai mujhe…
Kitni baatein hai abhi phir bhi khamosh kar diya mujhe….

Yu udaas dekh kar is zamaane ne pucha mujhe, 
Kaun hai vo jaalim jisne is haal me pahucha diya tujhe…
Maine kaha– Mohabbat ho gayi hai kisi se mujhe…
Par unki khamoshi ne aaj rula diya mujhe…

Apne gamo ki numaish nahi krna hai mujhe, 
Apne naseeb ki yu aazmaish nahi krna hai mujhe, 
Jo mera hai mere dar par use vo rab khud hi le aayega,
Roj unhe pane ki khwahish nahi krna hai ab mujhe…. 

                           《~Shreya Dubey 》


Aadat!!!

Na bannaa kisi ki aadat, na kisi ko apni aadat bnanaa tu….
Dil lagaane se phele, uski fitrat ko jarur aazmana tu….

Har khwaab dekhna , uske sath ke sapne bhi sajana..
Soch kr uski baatein akele baithkar khud hi muskurana..
Har waqt Uski ki yaad me khoye rehna , use hi pane ki khwahish krna..
In pyar ke lamho ko jee bhar ke jeena tu..
Use pane ki hasrat bhi jarur krna tu…
Par bas use pane ke junoon me khud ko hi na bhul jana tu…
Na bannaa kisi ki aadat na kisi ko apni aadat bnanaa tu….

Bna liya ydi aadat kisi ko—-
Toh tadpega ye dil har baat pe uski..
Bheegengi ye palke har yaad pe uski…
Har alfaaz me bas usi ka jikar hoga..
Har mehfil me usi ka intezar hoga…
Ye dil tumhara hokar bhi tumhare pass na hoga..
Is aadat ke badle tumhara dil usi ke pass girwi  hoga…

Isiliye– na bannaa kisi ki aadat na kisi ko apni aadat bnanaa tu….
Dil lgane se phele, uski fitrat ko jarur aazmana tu….

                     《~Shreya Dubey》

DIWALI SPECIAL🎆🎇

Vo Amavaysa  ka din phir aa gya hai,
Jb laut ke  VANVAAS se ayodhya aaye the RAAM…..

Jis tarah jagmagaayi thi ayodhya uss din,
Ussi tarah PREM KE DEEPAKO se jagmagaayegi phir se puri duniya aaj ke din…
Jis tarah har taraf khushiya thi ayodhya me uss din,
Ussi tarah har taraf KHUSHIYO KI BAHAAR hogi aaj ke din….
Har dwaar saje the RAAM ke intezaar me uss din, 
Ussi tarah SAJENGE HAR DWAAR raam ke intezaar me phir se aaj ke din….

Phir se RAAM – RAAJ is duniya me aayega,
Kyoki ab RAWANO KE VADH ke liye har ghar me ek RAAM jarur aayega….
Bhut seha liye atyachaar maasumo ne,
Ab hisaab karne vo  MASIHAA phir se aayega..
Phir kisi  SITAA ko ravan se bachane ek RAAM  aayega!!!!

Ussi raam ke intezaar me aaj har dwar phir se saje honge…
Har aangan rango se bhare honge..
Har taraf deepo ki roshani hogi..
Har chehre par RAAM ke laut aane ki khushi hogi….

                     《~Shreya Dubey》

Pitaa!!!

Ek “PITAA”  ke dil ki “VEDANA”  hai ye

Hai jb ansh dono ka tujh mai, toh kyo tu bas “Maa” ko hi apna  “KHUDA” maane…
Andekha kar ke “PITAA” ke balidano ko, Kyo bas “MAA” ko hi “TYAG KI MURAT” maane…
Sun jara aaj “PITAA”  ke “TYAG” ko bhi , taki tu unko bhi “MAA” ke “BARABAR” maane…

Humari hasi ke liye apne ashko ko chupa lete hai jo,
Anushasan ke liye apne pyar ko bhul kar sakti ko apna lete hai jo,
Thaam kar haath humara hume chlna sikhate hai jo,
Apni beti ki bidaai par Maa se jyada rote hai jo,
Ho jeb khali phir bhi humari har jarurt ko pura karte hai jo,
Maa deti hai parvarish agar toh naam dekar apna, duniya mai pehchan dilate hai jo….

PITAA  hai vo, PITAA hai vo, PITAA hai vo…….

Ab toh samjh “PITAA” ke “TYAG” aur “JASBAATO”  ko tu,
Aur maan “MATA – PITAA” dono ko hi apna “KHUDA” tu….!!!!!

                  《~Shreya Dubey 》

Chaahat💖

Milne ki hai Chaahat unse, par apne kadamo ko rok diya humne…
Mohabbat ho gayi hai unse, par apne jasbaato ko dil me hi dafan kar diya humne…..

Ajeeb silsila hai is mohabbat ka bhi ,
Kabhi pyar ke liye aanshu bahaye the , toh aaj pyar kar ke aanshu bahaye hai humne…
Vo puchte hai kitni mohabbat ki hai unse humne,
Zindagi ka “FARISHTA” maan liya hai bs itni hi mohabbat ki hai unse humne…
Par FARISHTE toh kuch waqt ke liye hi aate hai  zindagi mai,
Aur unhe toh apni “ZINDAGI” hi man liya tha humne….
Jis par khud se jyada aitbaar kiya tha humne,
Vahi door chale jayenge ye kabhi socha na tha humne…!!! 

Par aaj bhi hume unka “INTEZAAR” hai,
Vo aayenge jarur is baat ka “AITBAAR” hai,
MilnaMilana toh uss rab ke hatho me hai,
Hume toh bas unke ek “DIDAAR” ka intezar hai…!!!

       《~Shreya Dubey ✒


Vo shaam! 

Vo shaam ! ka manzar bhi ajeeb tha,
Chaar kadam ki thi doori, fir bhi milna kismat me na tha…     

Nazaro ko har taraf unhi ki talaash thi..                                       Dil ye bechain tha, aankhein bhi thodi ruvasi thi..                             Ek jhalak dikh jaye unki, yhi is dil ki chahat thi..                                     Ek hi raah pr the dono, fir bhi khwahishe kyo anjani thi..     Milne ki chahat jab dono ko hi thi, toh kyo bas izhaar me hi deri thi…..                                                 

Bas izhaar ke intezaar me hi nikal gayi vo shaam, aur ban gaye fir vo anjaan..                                         Kaash ! vo doori mit pati, kismat thodi badal jati..                             Yu roka naa hota apne aap ko kbhi, toh ye chaar kadam ki doori us din hi khatam ho jati….

Pr abhi ye anta(the end) nhi hua humari kahani ka..                       Ab toh intezar h, fir se bas esi hi ek ruhani shaam ka

Shreya Dubey